The Bairns are Happit
Twa different coloured pows I see,
As snugly sleep the bairnies wee.
This wild yin stretches as he smiles;
the ither snuggles doon the whiles.
Sich quietness reigns an' as I look
I learn again whit's no' in book;
still tae be thankfu' when it's said
“The bairns are happit up in bed!”
Though fortune's slings are aft' unkind
(sae mony things go wrang, maist find),
day gangs an', lo, it aye wears roon -
the bairns are happit noo, an' soond.
Nae wordly cares disturb their rest,
fur He that kens a' answers best
is asked each nicht tae bless the hame
Whaur biarns are happit yince again.
What minds if trauchles thick an' fast
Come ragin' like an angry blast?
We'll aye be gratefu' tae, an' gled,
When bairns are happit in their bed.
