A'll Bide Awhile
Noo simmer's here wi' a'thing green.
A think a'll stop, and bide awhile.
Whaur natur' shows a pleasant mein,
aboot the place they ca' Kirkstyle.
Here kindness reigns – especially noo,
as June (a'm scribblin' as I scan)
pits on a dress 'o' flamin' hue,
delichtin' bird an' beast an' man.
There's painted gates roon' steadin' sma'.
Rare hens an' ducks an' gairden floo'ers.
A pickle ewes,some stirks an' a'. -
Grand aipple trees – an' sun an' shoo'ers
Yon auld white kirk at tap o' lane
seems double blessed, an' this a'm shair;
Contentment – better far than fame,
sits roon' aboot the prospect fair.
Neat hedges noo, I wadna' miss,
hale scene, tae me, gies bonny smile...
Nae mair, my mind's made op on this,
richt here a'll stop, an' bide awhile.
