No the Same
Auld Gorgie Road is no' the same,
nae trams are birlin' past.
Ye tak' a bus te traivel hame,
folks say they're smert an' fast.
Nae doot the bus is smashin' tae,
an' gets ye there betimes,
Bit still, I thocht the ither day,
'Twis queer wi' nowt on lines.
The stops, furbye, have changed, it's true,
Ardmillan's like a fair!
Nae cheery wave frae driver noo,
He's ower harassed, fur shair.
It had tae come, an' here's a think:
A'll argy-bargy nane,
Bit maist agree, though lookin' trim.
Auld Gorgie's no' the same.
