On Looking at A Young Lady's Portrait 1895
Ye're lookin' awfu' sonsie, hen,
though whae ye are a'll never ken.
Nae hint, bit my, sae spic an' span.
A'm fair intrigued, the while I scan
Yer photie braw.
Coiffure nae doot in latest style.
Sich pose; per photigraphic guile.
Ye'd be, let's see noo, twenty-wan?
Hoo strange, tae think that in my han'
lies likeness o' ye.
Thae sleeves o' leg-o-mutton twa'
elastic-sided boots an' a'.
Was that a watch, yer blouse te fit?
A'll bet ye thocht that ye were 'it'
gaun oot that day.
Ye'd be an auldish body noo,
I wonder; were ye Sal or Sue?
Or Meg? Or Kate? - each name wad suit.
Wan thing clear, ye shairly took
a richt guid photie.
