Familiar Things
Although there's ayeways somethin' new,
An' customs strange are heaped on you,
remember this; tho' change it bring,
there's aye the auld familiar things.
Let's coont (at least it kin be fun),
there's jeely piece an' currant bun.
An' cups o' tea ower hot tae sip'
Fried ham an' egg, an' piece on dip.

There's laces that get broken whiles,
bit efter cause a wheen o' smiles.
An' studs that hide ablow the bed;
wee babies chucklin' when they're fed.
Jist think; there's friends'll ayeways say,
“I hope ye're keepin' fine the day.”
An' mind o' a' they words o' cheer,
like “Merry Christmas”, “Guid New Year”.
There's Burns' Supper, Eightsome Reel,
custard – aye an' prunes as weel.
Words like Toast, an' Shepherd's Pie;
familiar still tae you an' I.