Strayed lamb
Rinnin’, ba-in, oot in the weet,
Silly cratur’, missin’ yer maw.
Fair frantic, whiles, as ye bleat,
Yer lost, aye, an’ likit tae fa’.
Whistles the wind – oh sae snell,
An’ nae ithers want ye, it seems.
Spurned by yowes, an’ lambs like yersel’;
Wae’s me, ye’ve no’ muckle frien’s.
A’m no ‘ a shepherd, whits tae dae?
Puir thing, on my road gaun hame,
A message a’ll leave, an’ jist say,
“Yin o’ yer lambs on it’s lane”.
I saw ye gathered - end o’ the day,
An’ oh ‘twis me that wis gled.
Noo roon’ some cottage door ye’ll play’
Wee pet lamb, ye’ll be bottle fed.
