More About Gorgie
D'ye mind (I'm turning Gorgie's page)
When John White crops were a' the rage?
An' snooted keps were one an' two,
no' like the things they're wearing' noo.
When light went up in Gorgie Road,
whit rare displays – nae 'a la mode'
D'ye mind o' Starks sae shinin' bright,
where we said 'guesses' half the night?
There wis' nae need tae advertise
oor soirees: cookies fur a prize!
Is yon wee Penny Bank the same?
Ye'll mind the stables doon the lane?

D'ye mind (I'm traivellin' further back)
When cable cars were on the track?
An' Saughton seemed the country-side,
Bill Nichol's trip went far an' wide.
He'll no' be left oot in the cauld,
He'rts' present guid yin, Willie Bauld:
There, noo, a'things up tae date -
fur fitba's pairt o' Gorgie's fate.