Sich charmin' names
D’ye ever wonder sometimes, whae
Gied flooers names sae sweet?
A’m thinkin’ noo on Rosemary,
Foxglove an’ Marguerite.
Whit happy choice alichted on
yon petals that unfold -
Tae flaunt the saffron pure, upon
a lovely Marigold?
There’s Honeysuckle, Poppy, Thyme,
Marsh Mallow, Ladies’ Smock,
An’ ithers, likes o’ Celandine,
Wee Eyebricht tae, an’ Stock.
Sae aptly named; Lobelia blue,
Heartsease, Wild Fritillaries,
Whae thoucht them up? A’m askin’ you.
Masel’? I think the Fairies.
