Night Shift Over
Up the stair, intae the hoose,
steppin' softly, quiet's a moose.
Tiger - oor cat – bows me in,
Even he daurna mak' a din.
Put on kettle, oot wi' cup.
Gie puss his milk tae sup.
See if goldfish's still alive.
sit doon here, it's efter five.
Tea's no' bad, toast's a' right
(hoo cauld it wis a' last night);
Stert fire wi' last night's paper,
Light ma pipe wi' handy taper.
Ootside's black, nary a star,
Time for sleeping', better far;
Tiger an' I, watchin' flame.
Happy? Aye – an' gled we're hame!
