Sugarally time
Noo sugarally time has come,
they’ll keep it up fur days.
In bottles big, as black as lum,
yon stuff’s an awfu’ craze.
Pam had me sippin’ it the day,
‘twis no’ bad, be it said.
Wee Robin’s fly, he’s got it tae,
ablow the kitchen bed.
Some keep it dark an’ shaken doon,
ee liftin’ it the whiles.
On week’s supply way ben the hoose,
oor Raymond’s gaun his miles.
At times it’s licht; nae froth at a’,
some think it’s ower sweet.
Richt here’s the best I ever saw,
Rosemary tak’s it neat.
Wi’ a’ this smashin’ drink at hame,
the bairns are happy noo.
An’ aye I hope they’ll mak’ the same
auld sugarally brew.
