The Tartan Rug
The ither day a rug I saw.
A tartan yin; a blanket braw.
'Twis met by me in Princes Street,
whaur Register an' Bridges meet.
The sicht took me doon mem'ry lane;
years past, oor rug wis jist the same.
The very colour' green an' red,
that aft wis happit on the bed.

On drives an' jaunts the rug at last,
wis shelter frae the stormy blast.
A shawl, a tent or table grand?
Auld tartan rug wis aye at hand.
We never kent it's clan or sept,
but dear tae mind wis histr'ry kept
o' image I wis gled tae greet:
Yon tartan rug – in Princes Street.